A PRIMMA DOMENEGA DE MAZZO
In sciä çimma do Mõnte Gazzo,
tûtti i anni a-i primmi de mazzo,
gh'è ûn mûggio de gente... se sente cantâ,
de frônte a Zena accoegä in sciö mâ:
o l'è o "Mõnte Gianco" ch'o va lasciû
pe ricordâse de chi no gh'è ciû.
In te 'n recanto, 'na piccola crõxe
cõn 'na lapide ch'a brilla in ta lûxe,
dedicä a quelli che ciû no ghe son;
gh'è scrïto: "sèntili... cantan ancõn!".
Sciû gh'è a Madonna cö-e braççe allarghae:
pä ch'a l'abbraççe tûtta a çittae!
Quande i coristi fan l'Ave Maria,
pä ch'a ghe digghe: "no stae avèì puïa,
i vostri amixi ghe l'ò chì vixin...
cantan cõn voiätri e ve dan ûn baxin".
( Traduzione )
LA PRIMA DOMENICA DI MAGGIO
Sulla cima del Monte Gazzo,
tutti gli anni ai primi di maggio,
c'è un mucchio di gente... si sente cantare,
di fronte a Genova adagiata sul mare:
è il "Monte Bianco" che va lassù
per ricordarsi di chi non c'è più.
In un angoletto, una piccola croce
con una lapide che brilla nella luce,
dedicata a quelli che più non ci sono;
c'è scritto: "ascolta... ancora cantano!"
Su c'è la Madonna con le braccia allargate:
sembra che abbracci tutta la città!
Quando i coristi fanno l'Ave Maria,
par che dica "non abbiate paura,
i vostri amici li ho qui vicino...
cantan con voi e vi danno un bacino."
Poesia in lingua genovese dedicata al Coro Monte Bianco dall'amico Pino Orengo del coro "A.N.A. Soreghina" di Genova.
|